Girona “shkatërron” Sevillan dhe merr momentalisht kreun e La Ligas

23:12 | 21 Janar 2024
D.H

Girona triumfon me përmbysje me rezultatin 5-1 ndaj Sevillas dhe merr kreun e La Ligas pas javës së 21-të.

Ishte Sevilla ajo që zhbllokuan sfidën me golin e realizuar nga Romero në minutën e 10-të.

Megjithatë vetëm 3 minuta më pas Dovbyk nisi serinë e golave dhe gjeti rrugën drejt rrjetës tre herë rresht, në minutën e 13’, 15’ dhe 19’, duke përmbysur rezultatin dhe duke bërë që pjesa e parë të mbyllej me rezultatin 3-1.

Ndërsa në fraksionin e dytë vendasit gjetën edhe dy herë të tjera rrugën drejt rrjetës, me Tsygankov që shënoi golin e katërt në minutën e 56’, teksa Stuani vulosi këtë takim me golin e realizuar në minutën e 89’.

Pas kësaj përballjeje, Girona merr momentalisht kreun e La Liga-s me 52 pikë, një më shumë se Real Madrid i vendit të dytë, por me këta të fundit që numërojnë një ndeshje më pak.

Ndërsa nga ana tjetër vazhdon vuajtja për Sevilla-n, që renditet në vend të 17-të me 16 pikë./ss

Shpërndaje në rrjete sociale

Lajmet më të lexuara

Të ngjashme

Foto lajm